Ils urs brins han vivì durant millennis en noss guauds fin ch’els èn vegnids extirpads.
L’onn 1904 han ils dus chatschaders Jon Sarott Bischoff e Padruot Fried schluppettà en la Val Mingèr, sin territori dal Parc Naziunal fundà diesch onns pli tard, il davos urs autocton da la Svizra.
Dal 1999 fin il 2002 han ins reintroducì l’urs brin en il parc natiral Adamello-Brenta en il Trentino. Il 2005 è l’emprim urs giuven immigrà en la regiun dal Parc Naziunal. Dus ulteriurs animals èn arrivads l’onn 2007. Dapi lura sa mussan bod mintg’onn urs giuvens en il Parc Naziunal.
Dapli davart l’urs vegnis Vus a savair en l’exposiziun da l’urs en il Museum Schmelzra e sin la senda da l’urs a S-charl.
→ Infurmaziuns actualas (en tudestg)
→ www.kora.ch
→ www.ursina.org
Sura: Urs M13 l’onn 2012
