E020 Bild&Text mit Links Element
![Signete der Schutzbestimmungen im Nationalpark](https://nationalpark.ch/rm/wp-content/smush-webp/sites/9/2023/09/Schutzbestimmungen_hoch.jpg.webp)
![Signete der Schutzbestimmungen im Nationalpark](https://nationalpark.ch/rm/wp-content/smush-webp/sites/9/2023/09/2023_Schutzbestimmungen_Webpage_2000x1000px-aspect-ratio-900-500.jpg.webp)
Il Parc Naziunal Svizzer appartegna als territoris da las Alps protegids il meglier. Qua maina la natira ina reschia illimitada, nus daventain perditgas da la dinamica natirala. Gidai a minimalisar nossa influenza umana e da mantegnair quest reservat natiral unic.
Las disposiziuns davart la protecziun da la natira sa basan sin la lescha davart il Parc Naziunal e vegnan enumeradas detagliadamain en l’ordinaziun.
Las disposiziuns da protecziun principalas:
- Las sendas da viandar marcadas sco er las plazzas da pausadi marcadas cun posts grischs na dastgan betg vegnir bandunadas
- Laschar enavos nagin rument
- Betg prender cun sai objects natirals sco flurs, lains, craps u animals
- Il segiurn en il Parc Naziunal è permess be durant il di. Sco di vala il temp dal cumanzamaint da l’uschè numnada «alba burghaisa» da la bunura fin a la fin da «brina burghaisa» da la saira (savair dapli en tudestg). Il medem vala eir per la pernottaziun in vehichels lung la via dal Pass dal Fuorn.
- Nagins chauns, era betg a la corda
- Betg far bogn en lais ed auals
- Betg far fieu
- Nagins velos u urdains sgulants (pagina d’internet da l’Uffizi federal d’aviatica civila).
- La natira na dastga betg vegnir transfurmada
- L’enviern è il Parc Naziunal serrà (zona da paus per la selvaschina)
E010 Textblock-Element
Ils guardians dal Parc Naziunal veglian che las reglas vegnian observadas ed aviseschan cuntravenziuns.
Mo sche tut nossas var 120’000 visitadras e visitaders resguardan questas reglas, han tuts las medemas schanzas d’observar la natira.