Infurmaziun
Il Center da visita dal Parc Naziunal as rechatta a Zernez in Engiadina. Durant la stagiun auta da stad e l’atun es el avert cuntinuadamain. D’inviern valan uras d’avertira reducidas. La visita da las localitads d’exposiziun custa entrada. Chauns n’èn betg permess en ils locals d’exposiziun. Tscherni per plaschair in punct da menu per survegnir ulteriuras infurmaziuns.
Il Center dal Parc Naziunal è avert mintga di da mez matg fin la fin d’october da las 8.30 fin las 18.00.
Vus chattais las uras d’avertura actualas qua (en tudestg)
Pretschs d’entrada en l’exposiziun
Creschids CHF 9.–
Uffants (da 6 fin 16) CHF 5.–
Famiglias CHF 20.– (geniturs ed uffants)
Gruppas a partir da 10 persunas CHF 8.– per creschid
Uffants sut 6 onns gratuit
Per gruppas è la reservaziun obligatorica.
Il Passaport Museums Svizzers è valaivel.
Entrada gratuita cun la carta Raiffeisen Memberplus.
Ils schecs da la Reka ed ils bons engiadinais vegnan acceptads.
Il sectur d’infurmaziun dal Center dal Parc è er accessibel senza carta d’entrada.
En l’entier Center dal Parc Naziunal As sta a disposiziun WLAN gratuit.
Il Center dal Parc Naziunal sa chatta en il vitg da Zernez, in center da traffic impurtant tranter l’Engiadin’Ota e l’Engiadina Bassa sco er il Pass dal Fuorn e la Val Müstair.
- Fermada bus: Zernez, Center dal Parc Naziunal
- Fermada tren: Zernez, Staziun (10′ a pe al Center dal Parc Naziunal)
- Parcadis: en ils conturns directs dal Center dal Parc Naziunal
- Ina survista porscha nossa charta d’arrivada.
Ulteriuras infurmaziuns davart l’arrivada chattais Vus qua
Tenor Procap Svizra, l’uniun per persunas cun impediments, è il Center dal Parc Naziunal Svizzer accessibel senza barrieras.
Ulteriuras infurmaziuns davart l’access senza barrieras en il Center pudais Vus survegnir sut ils links suandants:
Han Els pers u emblidà insatge?
Vus pudais s’annunziar en il Center Parc Naziunal a Zernez.
Center dal Parc Naziunal
Urtatsch 2
7530 Zernez
telefon +41 (0)81 851 41 41
info@nationalpark.ch
Exposiziun dal Parc Naziunal: Natüra sulvadia i’l center
Natira sulvadia es il motiv directiv da nossa exposiziun nouva. Tut quai cha vus vivais qua es propi selvadi!
In quatter locals d’exposiziun experimentais Vus il Parc Naziunal in tuot sias fassettas. Immediatamain sentis Vus ils process natirals chi sun protegids strictamaing en il parc. En staziuns interactivas daventan Ellas/Els sezs perscrutadras e perscrutaders. In ün’inscenaziun viva vegnis a savair dapli davart ils muments decisivs da l’istorgia dal Parc Naziunal. Dumondas davart Vossa tenuta persunala en connex cun la natira sulvadia sa tiran sco fil cotschen tras tut l’exposiziun e mainan ad in final nunspetgà. As laschai surprender!
- Mediaguide in 5 linguas (R/D/F/I/E)
- Gieu auditiv cun Furbina e Ratsch per giasts pli giuvens
- Staziuns da gieu per uffants pli pitschens
L‘ exposiziun han planisà e realisà ils scenografs da Groenlandbasel en stretga collavuraziun cun il team da communicaziun dal Parc Naziunal Svizzer.
Exposiziun temporara
In spazi per differents basegns
En il plaunterren dal Center dal Parc sa chatta sper il sectur d’infurmaziun in ulteriur local d’exposiziun, nua che vegnan realisadas exposiziuns temporaras. Questa stanza dinamica mussa mintga stagiun ina fin duas exposiziuns novas.
Dals 21 da mars 2024 fin ils 8 da mars 2025:
RESPEKT, INSEKT!
A partir dals 18 da mars 2024 mussain nus l’exposiziun RESPEKT, INSEKT!, creada da Naturama Argovia en occasiun da ses 20avel giubileum. Quella classa d’animals che vegn savens observada mo a l’ur ha in’impurtanza immensa: ils insects ruin la feglia, chavan enturn il terratsch ed impollineschan fritgs e legums. Els sun nudrimaint per raunas, peschs ed utschels e procuran cha’l terrain resta fritgaivel. Ils insects sun fascinants ed irremplazzabels i’l ciclus natiral da vegnir e passar. RESPEKT, INSEKT! promova l’encletga per lur moda da viver e muossa che cha nus pudain far, per cha la multifariadad indigena da specias resta mantegnida.
L’exposiziun festivescha ils 21 da mars 2024 sia vernissascha en il Center dal Parc Naziunal a Zernez e dura fin ils 8 da mars 2025.
20 da mars 2025 fin 13 da mars 2027
Cuntrada en transfurmaziun
In’exposiziun davart ils midaments visibels en il Parc Naziunal Svizzer suenter 111 onns d’existenza
Modul dals parcs grischuns
En il local da l’exposiziun temporara en il Center dal Parc Naziunal pudais Vus sper l’exposiziun speziala actuala er emprender d’enconuscher meglier ils 7 parcs grischuns.
Vi da la paraid interactiva dals parcs grischuns As sfunsais Vus en il mund dals parcs grischuns. Ultra da maletgs e videos fascinants vegnan explitgadas las differenzas da las singulas categorias da parcs e Vus pudais savair ina massa davart ils champs d’incumbensa, las valurs da la natira e da la cultura sco er davart las finamiras dals singuls parcs. Spezialmain per uffants è vegnida sviluppada la staziun auditiva che divertescha cun istorgias curtas, chanzuns e suns d’animals.
Architectura
Architectura pura
Natira ed architectura – cuntrast u colliaziun armonica. La cumbinaziun da vegl e nov sco sfida. Il center dal Parc Naziunal fascinescha cun sia parita singulara betg liada al temp, che sveglia l’interess ed envida d’entrar. L’exposiziun As permetta d’approfundar en il mund captivant da la natira e da daventar ina part da quel.
As laschai entusiasmar da l’exposiziun che animescha d’explorar il mund real da la natira.