L’app Parc Naziunal Svizzer As maina cun istorgias, infurmaziuns e chartas detagliadas tras la regiun dal Parc Naziunal. Cun quai avais Vus adina da la partida offline las infurmaziuns las pli impurtantas dal Parc Naziunal.
Passa 500 puncts d’infurmaziun davart la biologia, la geologia, l’istorgia dal parc e l’istorgia culturala sa zuppan en ed enturn il Parc Naziunal Svizzer e spetgan da vegnir scuvrids in viadant. In eveniment per giuven e vegl!
Sche Vus essas giuadora, As intermediescha l’app Parc Naziunal cun agid da GPS numerusas infurmaziuns specificas per il lieu. Maletgs, texts, podcasts, panoramas, cumparaziuns da cuntradas, quiz interactiv e.u.v. As accumpognan sin differentas sendas instructivas sin Vossas spassegiadas.
L’app datti per tudestg, franzos ed englais. Ella po vegnir retratga gratuitamain sur ils stores respectivs per iPhone ed Android.
Sper differentas infurmaziuns en il Parc Naziunal ha l’app era dus rutas dador il Parc Naziunal:
En il territori da Smaragd davos la ruina dal chastè d’Ardez è vegnida installada l’onn 2009 en collavuraziun cun il WWF ina senda la senda da perscrutaders dal WWF ad Ardez. Perscrutadras e perscrutaders pitschens vegnan a savair dapli davart quest territori da protecziun. Qua vegn per exempel dumandà pertge che libellas na pon savens betg pli viver en ruaus u pertge che filiens – ad Ardez ils filiens-luf – èn nizzaivels per nus umans.
Eir la spassegiada dal Pass dal Fuorn resp. da Lü a S-charl daventa cun l’app anc pli interessanta. Lung la ruta As accumpogna ün gö cun dumondas davart il tema urs. Quista spierta cumplettescha in maniera ideala la Senda da l’urs – in’aventüra installada en vischinanza dal museum Schmelzra a S-charl cun sia exposiziun d’urs. Qua pon uffants pitschens e gronds imprender bler davart l’urs ed experimentar la savida.