E020 Bild&Text mit Links Element
Senda ecologica Margunet
La senda ecologica en la regiun dal Pass dal Fuorn dat a pitschen e grond infurmaziuns variadas davart la natira dal conturn ed animescha da sez observar, cumparegliar e discutar.
Cun la cumbinaziun da tavlas per juniors e per creschids han tut ils giasts la pussaivladad da chattar sezs respostas directas a dumondas davart la natira sper via. Infurmaziuns concretas che sa refereschan a las observaziuns duain animar da daventar anc pli attent e vesair anc dapli.
La senda ecologica cumenza tar l’Hotel Parc Naziunal Il Fuorn e suonda la ruta 17. Per scuvrir la senda duessas Vus As prender peda in mez di. Da Zernez u davent da la Val Müstair la cuntanschais Vus cun l’auto da posta.
La broschura “En viadi sin la senda ecologica” cuntegna tut las indicaziuns da las tavlas da la senda ecologica e dat infurmaziuns supplementaras. La broschura pon ins retrair per CHF 9.– en rumantsch, franzos, talian ed englais en il Center dal Parc u en la Butia. La versiun tudestga es exausta.
E020 Bild&Text mit Links Element
Senda da l'urs
En collavuraziun cun il WWF, Scuol Turissem ed il Parc Naziunal Svizzer è vegnida creada en la proxima vischinanza dal museum Schmelzra la senda da l’urs.
A nov staziuns interactivas vegnan giasts giuvens e vegls a savair dapli davart ils urs brins. L’aventura che dura var duas uras duai promover la savida e la fascinaziun da las abilitads impressiunantas dal cumpar urs.
Per optimar l’accessibladad cun il traffic public è vegnida endrizzada aposta la nova fermada d’autos da posta Ravitschana.
E020 Bild&Text mit Links Element
Senda d'uffants Champlönch
Nossa senda d’uffants Champlönch porscha a Vus in’experientscha dal tuttafatg nova.
L‘app Parc Naziunal Svizzer ed il cudeschet davart la senda d’uffants cun il DC auditiv en tudestg e franzos èn disponibels en il Center dal Parc.
→ Ulteriuras infurmaziuns concernent la senda d’uffants Champlönch (tudestg).
Ruta
- Ruta 13 (P1 – Il Fuorn P6, cun Alp Grimmels)