Il luf-tscherver n’ha betg gì in meglier destin ch’il luf e l’urs.
Il luf-tscherver è vegnì extirpà en Svizra il 19avel tschientaner. Il luf-tscherver maglia unicamain charn e vegniva perquai vesì sco concurrenza per l’uman. El sa nutrescha surtut da chamutschs e chavriels e sa schluita vers sia preda per la mazzar cun ina murdida precisa en il culiez. Il luf-tscherver dovra circa 1,5 kg charn per di.
Observations dans le Parc National:
- L’onn 2007 è per l’emprima giada puspè immigrà in luf-tscherver da la Svizra Nordorientala en il Parc Naziunal. El è restà plirs mais en quel territori ed ha pudì vegnir munì cun in culier emettur. Alura è el chaminà vinavant en il Trentino (Italia).
- Avrigl 2020: Suenter che guardias dal Parc han scuvert sezs fastizs en il Parc Naziunal, han guardiaselvaschinas da l‘ uffizi da chatscha e pestga dal Grischun pudì documentar il luf-tscherver cun agid da traplas fotograficas ordaifer il parc.
- Fanadur 2023: Emprima reproducziun da lufs-tscherver confermada en l’Engiadina. Ils 22 da fanadur 2023 ha in chatschader mussà l’emprim purtret d’ina reproducziun da lufs-tscherver en l’Engiadina sin il territori da Zernez.
→ Infurmaziuns actualas (en tudestg)
→ www.kora.ch
Purtrets da traplas fotograficas dal Parc Naziunal Svizzer
