Zaun einer Dauerbeobachtungsfläche auf Wiese

Scienza

Co sa mida la natira senza l'intervenziun da l'uman?

E020 Bild&Text mit Links Element

Basas da la perscrutaziun

En il Parc Naziunal Svizzer vegni perscrutà dapi sia fundaziun. Las perscrutaziuns scientificas en quest «laboratori en l’aria libra» èn stadas ina finamira declerada dals fundaturs. Ultra da la protecziun da la natira e da la lavur publica è ella fixada en la lescha davart il parc. La perscrutaziun vegn fatga tant da collavuraturs dal parc sez sco er da scienziads e scienziadas externas. Mintg’onn èn quai cunter 100 perscrutadras e perscrutaders da la Svizra e da l’exteriur.

Cun ina permissiun correspundenta dastgan ils perscrutaders bandunar las sendas da viandar en il territori definì. Els èn reconuschibels cun lur gilets oranschs.

Savair dapli (tudestg)
Cumissiun da perscrutaziun (tudestg)
E052 Science-Category-Slider-Element

Resultats

E020 Bild&Text mit Links Element
Wolkenstimmung Wolkenstimmung

Champs da perscrutaziun

Ils champs da perscrutaziun dal Parc Naziunal e ses conturns èn vasts e vi e pli interdisciplinars. Els tanschan dal monitoring da la flora e da la fauna fin a studis davart il dumber, la cumposiziun e la motivaziun dals giasts. Las consequenzas da la midada dal clima e da la protecziun dals process sin la cuntrada e sin la biodiversitad vegnan perscrutadas gist uschè sco la contribuziun dal territori da protecziun al svilup regiunal ed a la valurisaziun.
E020 Bild&Text mit Links Element

Perscrutar en il Parc Naziunal

Vulais Vus realisar sez in project da perscrutaziun? Lura inoltrais Vossa dumonda da perscrutaziun a la cumissiun da perscrutaziun. Tut las infurmaziuns en chaussa chattais Vus cun il link sutvart.
Nus porschain er la pussaivladad da far praticums u servetsch civil. Era lavurs da master u autras lavurs da studi èn pussaivlas. Bainvegni!

Inoltrar in project da perscrutaziun
Praticums e projects universitars (tudestg)
E020 Bild&Text mit Links Element

Geoinfurmaziun e monitoring

Il monitoring ha la finamira da documentar durant lungas periodas differents process en il Parc Naziunal Svizzer. La geoinfurmaziun sustegna il monitoring sco er tut ils secturs dal Parc Naziunal cun datas territorialas, cun analisas territorialas e cun metter a disposiziun chartas.

Tar fitg blers temas en il Parc Naziunal es la dumonda NUA e CURA che insatge capita. Lieu e temp sun facturs decisivs per incleger ils svilups en il Parc. Cun il monitoring as po respunder a dumondas sco:

  • Nua, cura e pertge van ils tschiervs la stad en la Val Trupchun?
  • Nua ha la bova a Buffalora deponì quant material?
  • Nua vegn installada la nova senda da viandar, sche la segirezza sin la senda existenta n’è betg pli garantida?
Savair dapli (tudestg)
E030 Textteaser

Publicaziuns

Qua as chatta tut las publicaziuns dal Parc Naziunal Svizzer e da ses conturns.

Publicaziuns (tudestg)
E030 Textteaser

Instituziuns partenarias

Qua chattais vus in pèr da las instituziuns chi perscruteschan en il Parc Naziunal Svizzer ed en ses conturns.

Instituziuns partenarias (tudestg)
To top