Ils lais da Macun – Retschertgas ecologicas
Dapi il 1-8-2000 è Macun situà en il Parc Naziunal. Ma ils lais da Macun vegnivan perscrutads gia bler pli baud e controllads regularmain.
En il rom da questas retschertgas vegn examinà il svilup da la qualitad da l’aua en ils lais. Lais alpins en regiuns cun crap cristallin han savens ina concentraziun d’acid memia auta. Tar ils lais da Macun nun era quai il cas enfin uss. Las populaziuns da litgivas d’ual e da litgivas da lai canadaisas introducidas pli baud vegnan medemamain survegliadas.
Retschertgas da las auas dal Spöl
Daventa il spazi vital dal Spöl danovamain pli natiral tras auas grondas artifizialas definidas?
Tras la construcziun da las Ovras electricas d’Engiadina è il Spöl daventà il 1970 in ual d’aua restanta. A quest ual domesticà mancan oz ils segns tipics d’in ual alpin. Cun reparter l’aua restanta a disposiziun duain pitschnas auaziuns artifizialas procurar per dapli dinamica e meglierar la valur ecologica dal Spöl.
L’ecologia dal Spöl è vegnida retschertgada en detagl e vegn controllada regularmai. Er ils effectivs da peschs vegnan registrads.