L’enconuschent botanicher Josias Braun-Blanquet vegn considerà sco il fundatur da la soziologia da las plantas, da la scienza davart la convivenza da las plantas en dependenza da lur ambient. Bleras da sias conuschientschas impurtantas ha el acquistà en il Parc Naziunal.
Braun-Blanquet ha constatà che la vegetaziun sa transfurma plaun a plaun tenor reglas fixas. El ha definì en differents lieus en il Parc Naziunal surfatschas d’observaziun permanenta ch’el ha examinà regularmain. Pli tard han auters scienziads cumplettà questas surfatschas e cuntinuà cun las retschertgas.
Saivs permanentas permettan da cumparegliar il svilup da la vegetaziun cun u senza la pasculaziun d’animals ad ungla. D’interess spezial è la regeneraziun dal guaud entaifer ed ordaifer las saivs.
Causa ch’i n’ha fin ussa strusch dà dapli guaud èn vegnidas enzonadas avant 20 onns pitschnas surfatschas. Las saivs permettan da cumparegliar il svilup da la vegetaziun cun e senza pasculaziun tras animals ad ungla. Differentas lavurs da perscrutaziun cumpletteschan las enconuschientschas, co che las interacziuns tranter animals ad ungla e vegetaziun caracteriseschan la cuntrada dal Parc Naziunal fin oz.