Suenter ch’il luf, il luf-tscherver e l’urs èn morts ora, è la vulp che viva en il zuppà daventada il pli grond animal da rapina en il Parc Naziunal.
Era la vulp, sco la fiergna alva, e derasada dapertut e po s’adattar fitg bain al conturn. Ella sa nutrescha cunzunt da cadavers d’animals ad ungla, da verms, mieurs e muntanellas. Sco tut ils auters animals en il Parc Naziunal è era la vulp protegida e ses dumber na vegn betg controllà. Malgrà quai n’èn nagins da ses animals da preda morts ora.
Il temp da copulaziun da las vulps dura dal december fin il favrer. Suenter in temp da purtanza da 60 fin 63 dis naschan il mars fin l’avrigl 4 fin 6 vulpinas. Quellas bandunan la tauna per l’emprima giada suenter 4 fin 7 emnas.
