L’urblauna è il sulet utschè che viva era l’enviern sur il cunfin dal guaud.
L’urblauna surmunta las stretgas d’energia durant l’enviern cun magliar en curt temp fitg bler ed alura pausar en cuvels da naiv isolants. L’urblauna sa nutrescha da brumbels e chatschs frestgs da chaglias, da feglia, coclas e sems.
Da trid’aura e da fradaglias sa retiran ils utschels per pli ditg en lur «iglus». Vegnan ils utschels disturbads da l’uman perdan els blera energia e pon qua tras murir.
Las chommas da l’urblauna èn cuvertas cun pennas fin oradim las griflas. Uschia sfundran las levas urblaunas damain en la naiv.