En las muntognas parturescha ina vipra berus mintga 2-3 onns 4-18 pitschens. Cuntrari a la gronda part dals ulteriurs reptils è la vipra berus ina spezia vivipara.
Las serps èn animals a sang fraid. Ellas passentan l’enviern en marvezza en la terra cun ina temperatura da paucs grads celsius. Suenter ch’ellas han bandunà lur taunas d’enviern sa copuleschan las vipras berus il matg.
Las vipras berus èn camufladas perfetgamain e tgunsch da survesair. Savens giaschan ellas enrulladas e senza sa mover en il pastg e sa laschan stgaudar dal sulegl.