Las raunas da prada vivan en fitg differents spazis da viver: guauds, prads e pastgiras alpinas fin al cunfin da naiv.
Il «quac-quac» da las raunas da prada resuna mintga primavaira tras il Parc. Las raunas da prada chatt’ins fin a 2500 m s.m. en prads ed en ils guauds. Ellas èn bain activas surtut la notg, pon dentant era vegnir observadas cura ch’i dat sulegl.
La colur da la rauna da prada variescha da grisch sur brin fin a cotschnent u oliv. Tipics èn ils flatgs stgirs sin il dies e la part sut alva u mellnenta.
L’avrigl ed il matg fregan las femnas en puzs e palids.
Ils gronds ballots da frega cuntegnan fin a 3000 ovs. Dals nundumbraivels ovs surviva mo ina pitschna part il svilup fin a la rauna creschida. Cunzunt ils utschels èn dapertut a la guetta da las pitschnas raunas delicatas.