Quests animalins strusch vesaivels èn vairs spezialists en surviver.
Las mieurs-sfuigna sblatgas inscuntr’ins en Svizra a partir da 1000 m s.m. Singuls animals han ins schizunt gia observà sin passa 4000 m s.m.
Ellas vivan en sfendaglias da grip, sin gondas da blocca e grava. Ellas sa movan cun grond inschign tras lur spazi da viver ch’ellas ston strusch parter cun auters mammals. L’enviern viva la mieur-sfuigna sblatga sut la cuverta da naiv che la protegia dal fraid e dad inimis.