E020 Bild&Text mit Links Element
Il Parc Naziunal Svizzer
Il Parc Naziunal Svizzer è ina cuntrada selvadia fermamain protegida, en la quala ils animals, las plantas ed ils process natirals pon sa sviluppar libramain. El è vegnì fundà il 1914 ed è cun quai il parc naziunal il pli vegl da las Alps. Ensemen cun il Parc Natiral regiunal Biosfera Val Müstair furma il Parc Naziunal il reservat da bisofera da l’UNESCO Biosfera Engiadina Val Müstair.
E020 Bild&Text mit Links Element
Visitar
Vulais vus emprender d’enconuscher la ritgezza extraordinaria dals animals e da las plantas en il Parc Naziunal? Numerusas sendas da viandar cun divers grads da difficultad pussibiliteschan observaziuns incumparablas da la natira. Aint il Center dal Parc Naziunal a Zernez as poja preparar optimalmain per Vossa visita. Cordial bainvegni en il plü grond territori selvadi da la Svizra!
E020 Bild&Text mit Links Element
Natira
En il Parc Naziunal Svizzer chattan nundumbraivlas spezias d’animals e da plantas in refugi nundisturbà. L’influenza dals process natirals è spezialmain bain vesibla en questa cuntrada dominada da dolomit e cun grondas differenzas da temperatura. Vus vegnis qua a savair dapli da la natira dal Parc Naziunal.
E020 Bild&Text mit Links Element
Scienza
Co sa sviluppa la natira senza intervenziuns umanas?
La perscrutaziun da basa e da lunga durada ha ina gronda impurtanza en il Parc Naziunal. Dapi la fundaziun dal parc 1914 nizzegian perscrutadras e perscrutaders da differentas instituziuns quest labor al liber per savair dapli davart il svilup da las spezias u dals spazis da viver. Ina basa impurtanta per projects da perscrutaziun èn il monitoring sco er las datas spazialas, per las qualas è respunsabel il sectur da la geoinfurmaziun.
E054 News-Slider-Element
