Nua sa chatta il parc naziunal?
Il Parc Naziunal Svizzer sa chatta en il chantun il pli al sidost da la Svizra, en l‘ Engiadina e la Val Müstair. Dapi il 2010 furma el ensemen cun il Parc natiral regiunal Biosfera Val Müstair e cun parts da la vischnanca da Scuol il Reservat da biosfera da l’UNESCO Engiadina Val Müstair.
Basas ed impressiuns
En il Parc Naziunal Svizzer dastga la natira simplamain esser natira – ina natira selvadia. L’uman daventa uschia perditga dals process dinamics che dattan a questa cuntrada alpina ses caracter incumparabel. Ch’igl è stà pussaivel da fundar il 1914 curt avant il cumenzament da l’emprima guerra mundiala in Parc Naziunal è remartgabel.
Qua vegnis vus a savair dapli da l’istorgia dal Parc Naziunal, da ses fundaments e sias particularitads. U chi’s clicca tras la galaria da fotografias a la fin da la pagina.
Organisaziun e team
ll Parc Naziunal Svizzer è in’instituziun statala. Il gremi da decisiun è la fundaziun da dretg public Cumissiun federala dal Parc Naziunal (CFPN).
La surfatscha dal parc appartegna a las quatter vischnancas dal parc. Sez administrativ e cun quai lieu da lavur dals var 50 collavuraturs dal Parc Naziunal es il Chastè Planta-Wildenberg a Zernez, nua è era il Center dal Parc Naziunal.
Vus vegnis a savair qua dapli da l’instituziun dal Parc Naziunal sco er da sias incumbensas e da ses collavuraturs.
Partenaris e raits
Il Parc Naziunal Svizzer tgira partenadis cun parcs in Svizra ed ultra da quai ora. Uschia è el commember da l’Uniun parcs grischuns, collavura sin plaun naziunal cun la rait da parcs svizzers e s’engascha en la rait da las regiuns alpinas ALPARC per la colliaziun entaifer l’artg alpin. Sin plaun local collavura il Parc Naziunal cun ils partenaris dal Reservat da biosfera da la UNESCO Engiadina Val Müstair.
Medias e downloads
Qua chattais Vus enumeradas cronologicamain tut las communicaziuns a las medias ch‘ èn vegnidas publitgadas fin ussa.
In’invista detagliada da las lavurs e dal budget dal Parc Naziunal survegnis Vus en ils rapports annuals che vegnan publitgads mintg’onn (DE/FR). Vulais Vus infuormaziuns cumpactas davart tschertas purschidas dal Parc Naziunal? Noss flyers datti qua er sco download.